Uppgangur Slóvenans Luka Doncic hefur verið ævintýralega hraður í körfuknattleiksíþróttinni.
Á menntaskólaaldri var hann kominn til Real Madríd og varð Evrópumeistari bæði með Real og slóvenska landsliðinu árið 2017.
Doncic tók strax til óspilltra málanna þegar hann kom inn í NBA-deildina haustið 2018, þá 19 ára gamall. Doncic hefur nú náð að skora meira en 5.000 stig fyrir Dallas Mavericks.
Er hann sá fjórði yngsti sem nær þeim stigafjölda í NBA en einungis LeBron James, Kevin Durant og Carmelo Anthony voru yngri þegar þeir höfðu náð að skora 5.000 stig í NBA-deildinni.