Arturo Vidal, knattspyrnumaður frá Chile, heldur áfram að færa sig á milli stórliða í íþróttinni og er nú kominn aftur til Ítalíu.
Vidal er að færa sig frá Barcelona til Inter í Mílanó og fer í læknisskoðun í dag. Talið er að gengið verði frá félagaskiptunum á morgun.
Vidal er 33 ára gamall og hefur leikið fyrir Leverkusen, Juventus, Bayern München, Barcelona og næst Inter á ferli sínum í Evrópu. Ekki slæmur listi yfir vinnustaði.
Hann stóð ekki undir væntingum hjá Barcelona en hjá Inter hittir hann fyrir knattspyrnustjórann Antonio Conte sem stýrði Vidal áður hjá Juventus.