Haukar unnu sannfærandi sigur á Fjölni í úrvalsdeild kvenna í körfubolta í kvöld, 92:74. Haukar eru einar í öðru sæti deildarinnar en Valskonur geta jafnað Hauka að stigum með sigri á Grindavík og stendur leikur liðanna yfir þegar þetta er skrifað.
Fjölnir er í sjötta sæti deildarinnar með 16 stig, fjórum stigum á eftir Grindavík.
Keira Robinson dró vagninn fyrir Hauka en hún skoraði 30 stig, gaf sjö stoðsendingar og tók sex fráköst. Þá var hún með tvo stolna bolta. Í liði Fjölnis skoraði Brittany Dinkins einnig 30 stig. Þá var hún með fimm stoðsendingar, fimm fráköst og tvo stolna bolta að auki.
Ásvellir, Subway deild kvenna, 19. mars 2023.
Gangur leiksins: 3:6, 11:14, 18:14, 26:17, 30:21, 36:25, 39:30, 44:34, 48:36, 60:38, 62:41, 67:52, 77:52, 88:64, 90:72, 92:74.
Haukar: Keira Breeanne Robinson 30/6 fráköst/7 stoðsendingar, Sólrún Inga Gísladóttir 23, Tinna Guðrún Alexandersdóttir 13/5 stoðsendingar/7 stolnir, Elísabeth Ýr Ægisdóttir 11/11 fráköst, Lovísa Björt Henningsdóttir 10, Agnes Jónudóttir 5/4 fráköst.
Fráköst: 22 í vörn, 6 í sókn.
Fjölnir: Brittany Dinkins 30/5 fráköst/5 stoðsendingar, Urté Slavickaite 18/5 fráköst, Heiður Karlsdóttir 9/5 fráköst, Simone Sill 7/8 fráköst, Victoría Lind Kolbrúnardóttir 5, Shanna Dacanay 3, Bergdís Anna Magnúsdóttir 2.
Fráköst: 23 í vörn, 4 í sókn.
Dómarar: Davíð Tómas Tómasson, Jakob Árni Ísleifsson, Sigurbaldur Frímannsson.
Áhorfendur: 89.