Víkingar ganga um í draumalandi í dag, liðið fór á topp efstu deildar karla í knattspyrnu í gær og er með níu fingur á Íslandsmeistaratitlinum. Liðið á heimaleik gegn Leikni í lokaumferðinni. Víkingur er með eins stigs forskot á toppi deildarinnar á Breiðablik.
Leiknir hefur svo gott sem kastað inn handklæðinu í síðustu leikjum eftir frábærar frammistöðu framan af móti. Ekkert lið fyrir utan Fylki hefur sótt jafn lítið af stigum og Leiknir í síðustu fimm leikjum. Leiknir hefur aðeins sótt eitt stig af 15 mögulegum.
Lokaumferðin hefur þó ekki gefið vel af stigum fyrir Víkinga ef að sagan er skoðuð. Víkingur unnið tvo af síðustu átta leikjum sínum í lokaumferð í efstu deild. Árin 2012 og 2013 var Víkingur í næst efstu deild.
Ef sigrarnir árið 2019 og 2016 eru teknir út fyrir sviga þarf að fara til ársins 1992 til að finna sigurleik hjá Víkingum í síðustu umferð efstu deildar. Þá vann Víkingur sigur á föllnum Blikum.
Ef Breiðablik tekst að leggja HK í lokaumferðinni þarf Víkingur að vinna Leikni á heimavelli til að vinna Íslandsmeistaratitilinn.
2020:
Víkingur 2 – 2 KA (Leikurinn var sá síðasti í mótinu)
2019:
ÍA 1 – 5 Víkingur
2018:
Víkingur 2 – 3 KR
2017:
Valur 4 – 3 Víkingur
2016:
Þróttur 1 – 2 Víkingur
2015:
KR 5 – 2 Víkingur
2014:
Keflavík 2 – 0 Víkingur
2012-2013:
Víkingur ekki í efstu deild
2011:
Fram 2 – 1 Víkingur