Bandarísk kona dó næstum því við það að fá fullnægingu. „Sjúklingurinn var að eiga kynmök með eiginmanni sínum og í miðri fullnægingu fann hún smell í bringunni og mikinn sársauka um allt bakið,“ stóð í grein sem birtist nýlega í American Journal Case Report. „Hún tók fram að fæturnir hennar hefðu legið þétt up að bringunni.“
Samkvæmt greininni var farið með ónafngreindu konuna á fimmtugsaldri á sjúkrahús þar sem hún upplifði stingandi sársauka í bringunni. Henni varð einnig skyndilega óglatt og átti erfitt með að draga andann. Þegar læknar skoðuðu hana fundu þeir að hún var með tvöfaldan eðlilegan blóþrýsting.
Læknar gáfu henni morfín og fentanýl til að draga úr sársaukanum og komust að þeirri niðurstöðu að ósæðin hennar hafði rofnað. Ef hún hefði ekki hlotið meðferð hefði hún líklega dáið og að meðallagi deyja um 40 prósent þeirra sem rjúfa ósæð nær samstundis. Hár blóðþrýstingur getur veðrað æðarveggi með árunum.
Til allrar lukku náðu læknar að bjarga lífi hennar og koma stöðugleika á blóðþrýsting hennar með lyfjum. Hún var útskrifuð af spítalanum þrem dögum síðar. „Rofnuð ósæð í 45 ára gamalli konu í miðjum klíðum er ekki algeng,“ sögðu læknarnir.
