Aðalsteinn Eyjólfsson stýrði liði Kadetten til sigurs gegn Kriens í úrslitaleik svissnesku bikarkeppninni í handknattleik í Bern í Sviss í dag.
Leiknum lauk með 22:21-sigri Kadetten sem var einu marki yfir í hálfleik, 12:11.
Staðan var jöfn, 21:21, þegar rúm mínúta var til leiksloka en þá skoraði Bartók Donát sigurmark leiksins.
Aðalsteinn hefur stýrt liði Kadetten frá síðasta sumri en hann þjálfaði áður Erlangen í Þýskalandi.
Harpa Rut Jónsdóttir varð einnig svissneskur bikarmeistari í dag en lið hennar, Zug, vann Spono Eagles, 29:26, í bikarúrslitaleiknum í kvennaflokki.