Bam Adebayo reyndist hetja Miami Heat þegar liðið fékk Brooklyn Nets í heimsókn í bandarísku NBA-deildinni í körfuknattleik í kvöld.
Leiknum lauk með tveggja stiga sigri Miami, 109:107, en Adebayo skoraði sigurkörfu leiksins á lokasekúndunum.
Brooklyn varð fyrir áfalli snemma leiks þegar Kevin Durant þurfti að fara meiddur af velli eftir að hafa fengið högg á lærið en Landry Shamet var stigahæstur Brooklyn-manna með 30 stig.
Þá var títtnefndur Adebayo stigahæstur í liði Miami með 21 stig og fimmtán fráköst.
Miami er í sjöunda sæti austurdeildarinnar með 29 sigra en Brooklyn er í öðru sæti austurdeildarinnar með 38 sigra.