Tónlistarhjónin Beyoncé og Jay–Z eru búin að festa kaup á nýrri eign í Malibu. Húsið kostaði hjónin heila 28 milljarða íslenskra króna og eru þetta dýrustu fasteignakaup er snúa að einbýli í ríki Kaliforníu.
Heimilið var hannað fyrir Bill Bell Jr., erfingja sápuóperastórveldis. Foreldrar Bell, William og Lee Phillip Bell eru fólkið á bak við The Bold and The Beautiful eða Glæstar Vonir og The Young and the Restless. Það tók Bell Jr. rúmlega 15 ár að klára hönnun og byggingu hússins.
Nýja heimili Knowles–Carter fjölskyldunnar í Malibu var hannað af sjálfmenntuðum Pritzker–verðlaunahafa, japanska arkitektinum Tadao Ando, sem er þekktastur í Bandaríkjunum fyrir að byggja nútímalistasafnið í Fort Worth.
Kaup ofurhjónanna á nýja heimili sínu eru næstdýrustu fasteignakaupin í Bandaríkjunum en þakíbúð í 220 Central Park South, kostaði Kenneth Griffin, stofnanda og forstjóra Citadel, rúmlega 33 milljarða íslenskra króna árið 2019.
Beyoncé and Jay-Z's new mansion in California, they paid $200 million for the new residence. pic.twitter.com/bc1DvEQ8ch
— BEYONCÉ NEWS (@BeyonceHiveNews) May 19, 2023