Samþykkt var á borgarstjórnarfundi fyrr í kvöld að vísa tillögu Sjálfstæðisflokksins um lækkun fasteignaskatta til gerðar fjárhagsáætlunar fyrir árið 2023.
„Við munum styðja [tillöguna] en við munum líka fylgja henni fast eftir og ganga úr skugga um að skattprósentan muni lækka um næstu áramót,“ sagði Hildur Björnsdóttir, oddviti Sjálfstæðisflokksins í Reykjavík á fundinum.
„Borgarfulltrúar Sjálfstæðisflokks fagna því að tillögu flokksins um lækkun fasteignaskatta verði vísað til fjárhagsáætlunar,“ sagði hún einnig.