Franskar mæðgur voru á mánudag dæmdar í átta mánaða fangelsi í Héraðsdómi Reykjaness fyrir smygl á rúmum 400 grömmum af kókaíni hingað til lands.
Fíkniefnin fluttu konurnar með flugi frá Brussel í byrjun ágúst. Tollgæslan stöðvaði þær við komuna til landsins í Flugstöð Leifs Eiríkssonar vegna gruns um að þær væru með fíkniefni.
Lögreglan handtók þær í kjölfarið og reyndust þær vera með fíkniefni invortis, önnur með sex pakkningar og hin með fimm pakkningar.
Mæðgurnar komu fyrir dóm og játuðu undranbragðalaust að hafa flutt efnin til landsins og féllust á að þau yrðu gerð upptæk.
Konurnar sögðust ekki eiga efnin heldur hafa flutt þau til landsins gegn þóknun Dómi þótti ekki ástæða til að draga það í efa.