Nýliðarnir endurheimta leikmenn

Hattarmenn á Egilsstöðum, sem leika á ný í úrvalsdeild karla í körfubolta næsta vetur, hafa endurheimt tvo leikmenn. Það eru þeir Benedikt Þorvaldur Guðgeirsson Hjarðar og Gísli Þórarinn Hallsson. 

Benedikt kemur til félagsins frá Þór í Þorlákshöfn og Gísli kemur frá Sindra á Hornafirði. Þeir hafa báðir verið áður í röðum Hattar.

Höttur komst upp í úrvalsdeildina á síðasta tímabili og er að styrkja sig fyrir komandi leiktíð. Ásamt að fá þessa leikmenn hefur Höttur einnig framlengt við heimamennina Sigmar Hákonarson og Andra Björn Svansson. 

• Blogga um frétt