Vel gengur að malbika í Kömbunum

Hringveginum var lokað yfir Hellisheiði í morgun vegna framkvæmda. Verið er að malbika 980 metra langan kafla neðst í Kömbunum. Hellisheiði er því lokuð í báðar áttir og hefur umferð verið stýrt í gegnum Þrengslaveg í átt til Þorlákshafnar.

Upphaflega stóð til að malbika vegkaflann í gær, mánudag. Veður setti þó strik í reikninginn og fresta þurfti því framkvæmdunum um einn dag. 

Í samtali við mbl.is segir Hafsteinn Elíasson, verkefnastjóri hjá Colas, að allt gangi vel við framkvæmdirnar og að útlit væri fyrir að verkinu yrði lokið fyrir settan áætlunartíma. Áætlað var að malbikun hæfist klukkan 9 í morgun og yrði lokið fyrir klukkan 8 í kvöld.

Frétt af mbl.is

Hætt við að malbika Kambana

Umferð stýrt um Þrengslaveg mbl.is/Kristinn Magnússon

• Blogga um frétt