Samkvæmt breska blaðinu The Sun er Harry Kane á leið til Manchester City fyrir 160 milljónir punda. Fréttin prýðir forsíðu blaðsins í dag.
Kane hefur verið sterklega orðaður frá Tottenham í sumar. Man City hefur talist líklegasti áfangastaðurinn. Þá hefur hann einnig verið orðaður við nágranna þeirra í Manchester United, sem og Chelsea.
Ef marka má þessar fréttir The Sun mun Kane þéna 400 þúsund pund á viku hjá Englandsmeisturunum. Það gera tæpar 70 milljónir íslenskra króna.
Kane hefur verið frábær fyrir Tottenham í mörg ár. Framherjinn hefur skorað 221 mark í 336 leikjum fyrir félagið.