Það er ekki búist við því að Cristiano Ronaldo, leikmaður félagsins muni mæta til æfinga í dag. Frá þessu er greint á vef The Athletic í morgun en Ronaldo vill fara frá Manchester United.
Þetta væri annar dagurinn í röð sem Ronaldo myndi ekki mæta til æfinga hjá Manchester United en segir fjölskyldulegar ástæður fyrir fjarveru sinni.
,,Á þessari stundu er óvíst hvenær Ronaldo mun snúa aftur,“ segir í frétt The Athletic en liðið fer í æfingarferð til Tælands og Ástralíu á föstudaginn næstkomandi.
David Ornstein, blaðamaður The Athletic deilir fréttinni á samfélagsmiðlinum Twitter og segir það í raun óljóst hvort/hvenær Ronaldo snúi aftur.
🚨 Cristiano Ronaldo not expected to attend Man Utd pre-season training for second consecutive day, citing family reasons. Currently unclear if/when 37yo will return. #MUFC head on tour to Thailand + Australia on Friday. With @lauriewhitwell @TheAthleticUK https://t.co/QqP4BPpFvD
— David Ornstein (@David_Ornstein) July 5, 2022
Um helgina bárust fregnir frá því að Ronaldo vildi yfirgefa Manchester United. Hans vilji er að spila í Meistaradeild Evrópu.
Todd Boehly, einn af eigendum Chelsea átti fund með umboðsmanni leikmansins, Jorge Mendes til þess að tefla fram þeirri hugmynd að Ronaldo gæti orðið leikmaður Chelsea. Þá eru einhverjar þreifingar í gangi af hálfu Bayern Munchen og þá er ítalska félagið Napoli talið hafa áhuga á Ronaldo.
Þó eru skilaboðin frá herbúðum Manchester United þau að Ronaldo sé ekki til sölu. Leikmaðurinn á eitt ár eftir af samningi sínum í Manchester.
Hann var markahæsti leikmaður liðsins á síðasta tímabili með 24 mörk samanlagt í öllum keppnu.