Línumaðurinn Sveinn Jóhannsson hefur á tímabilinu fengið stærra og meira hlutverk í sóknarleik danska handknattleiksliðsins SönderjyskE.
Hinn stóri og stæðilegi Sveinn hefur á undanförnum árum mestmegnis verið notaður í vörninni en skoraði í dag fimm mörk af línunni í stóru 24:32 tapi gegn Ribe-Esbjerg í dönsku úrvalsdeildinni.
Mörkin fimm í leik dagsins skoraði hann úr átta marktilraunum.
Þetta er annar leikurinn í röð sem Sveinn skorar fimm mörk í. Hann gerði það einnig, þá úr fimm tilraunum, í 30:23 sigri gegn Holstebro í deildinni síðastliðinn laugardag.