Jóhanna var sjötug að aldri, fædd 5. desember 1949. Hún lætur eftir sig eiginmann, Snorra Jóhannesson, fjögur uppkomin börn og fjölskyldur þeirra.
Að frumkvæði vina og ættingja Snorra á Augastöðum hefur verið hrundið af stað fjársöfnun til stuðnings Snorra.
„Það má með sanni segja að árið 2020 sé „annus horribilis“ í lífi fjölskyldunnar frá Augastöðum. Eins og margir hafa frétt varð sá hræðilegi atburður síðasta sunnudag að íbúðarhús Snorra mágs míns og Hönnu svilkonu á Augastöðum í Borgarfirði brann til grunna og elsku Hanna fórst í brunanum. Snorri hefur því ekki einungis misst lífsförunaut sinn, heldur heimili og allar eigur,“ skrifar Árdís Kjartansdóttir, mágkona Snorra, í facebookfærslu þar sem hún vekur athygli á söfnuninni.