Andorra hafði betur gegn Lietkabelis í Evrópubikarnum í körfubolta í kvöld, 76:66. Landsliðsmaðurinn Haukur Helgi Pálsson átti góðan leik fyrir Andorra.
Haukur skoraði níu stig, tók sjö fráköst og stal tveimur boltum á rúmlega 21 mínútu. Var hann alls með 16 framlagspunkta, næstflesta hjá Andorra.
Liðið er í fjórða sæti af sex liðum í C-riðli með tvo sigra og þrjú töp eftir fimm fyrstu leikina.