Annar Letti til Eyja

Lettneska landsliðskonan Sandra Voitane hefur samið við kvennalið ÍBV í knattspyrnu um að leika með liðinu á komandi tímabili.

Þar með hefur ÍBV fengið tvo nýja leikmenn í sínar raðir í dag.

Frétt af mbl.is

Frá strönd Kyrrahafsins til Vestmannaeyja

Sandra, sem er 22 ára gömul, kemur til með að hitta tvo samlanda sína fyrir hjá félaginu, þær Olgu Sevcovu og Viktoriju Zaicikovu, sem léku báðar vel með Eyjakonum á síðasta ári.

Hún lék síðast með Wacker Innsbruck í Austurríki en hefur einnig leikið í Þýskalandi og á Kýpur. Í Þýskalandi lék hún með Meppen í efstu deild árið 2020 og varð þar með fyrsti Lettinn til að spila í deildinni.

Á Kýpur lék Voitane með Apollon Limassol, sem Þórdís Hrönn Sigfúsdóttir leikur með um þessar mundir.

Sandra getur leikið margar stöður á vellinum en hjá lettneska landsliðinu hefur hún að mestu leyti leikið sem bakvörður í síðustu verkefnum. Hún á 39 leiki að baki fyrir landsliðið og hefur skorað í þeim 12 mörk.

• Blogga um frétt