Manchester United voru orðaðir við Erling Håland í janúarglugganum árið 2020 en á endanum valdi norski framherjinn að fara til Dortmund í Þýskalandi. Margir segja það ævintýralegt klúður að ná ekki í hann vegna tengsla hans og Ole Gunnar Solskjær, þjálfara Man Utd, en hann þjálfaði hann þegar hann spilaði hjá Molde.
Það kom þó upp nýlega að þetta hafi ekki verið í fyrsta skiptið sem United reyndu að ná Håland til sín. Árið 2018 þegar Håland hafði nýlega klárað frábært tímabil í Noregi, ákvað hann að hann vildi leita að nýju félagi í Evrópu. Manchester United var eitt liðana sem hafði áhuga á þessum unga framherja en kaupverðið átti að vera í kringum þrjár milljónir punda.
Þeir áttu bókað símtal með umboðsmanni Håland klukkan níu um morgun til að klára samning við hann en báðir aðilar gleymdu að gera ráð fyrir tímamismun. Þegar símtalið barst klukkan níu um morgun í Englandi var klukkan orðin tíu í Noregi og Molde búnir að samþykkja tilboð frá Salzburg.
Håland er mun meira virði núna og tapaði United gífurlega miklu á þessu. Talið er að hann fáist á í kringum 100 milljónir punda í dag.
