Mat George, stjórnandi hlaðvarpsins She Rates Dogs, er látinn 26 ára að aldri. Hann lést þegar ekið var á hann á götu í Los Angeles aðfaranótt laugardags.
Samkvæmt lögreglu í borginni átti atvikið sér stað um klukkan 2.20 þegar George gekk yfir götuna, á ómerktri göngubraut. Hann var úrskurðaður látinn á slysstað.
Meðstjórnandi She Rates Dogs, Michaela Okland, greindi aðdáendum þáttanna frá andláti hans á laugardagsmorgun. „Ég vil frekar að þið heyrið þetta frá mér en í fréttunum. Mat lést þegar ökumaður keyrði á hann og keyrði í burtu. Ég á ekki nein orð núna. Ég vildi óska þess að ég gæti haft samband við alla sem þekkja hann persónulega, en fréttirnar eru nú þegar farnar í loftið og ég bara get það ekki núna,“ sagði Okland í færslu sinni.
I would rather you guys here this from me than a news article. Mat was killed in a hit and run last night. I don’t really have any other words right now. I wish I could contact everybody who knows him personally but the news is already out and I just can’t do it right now
— michaela okland (@MichaelaOkla) July 17, 2021
George var vel þekktur hlaðvarpsstjórnandi í Bandaríkjunum og náðu þættir þeirra Okland töluverðum vinsældum. Hann var þekktur fyrir skemmtilegar skoðanir sínar á stefnumótamenningu, dægurmenningu og sjálfsmynd sína sem samkynhneigður karlmaður.