Sænska úrvalsdeildarfélagið Sirius hefur lagt fram tilboð í Óla Val Ómarsson, hægri bakvörð Stjörnunnar. Aftonbladet í Svíþjóð segir frá.
Óli Valur er 19 ára gamall og hefur lagt upp fimm mörk á þessu tímabili í Bestu deildinni, ásamt því að skora eitt.
Þá er Óli Valur einnig leikmaður íslenska U-21 árs landsliðsins.
Aftonbladet segir að hluti ástæðurnnar fyrir því að Sirius vilji fá Óla Val sé að félagið sé að missa þá Moustafa Zeidan og Laorent Shabani frá sér.
Hjá Sirius er þegar einn Íslendingur, vængmaðurinn Aron Bjarnason.