Lokað er til austurs á veginum um Hellisheiði um óákveðinn tíma vegna veðurs. Að sögn Vegagerðarinnar er ökumönnum bent á hjáleið um Þrengsli.
Hellisheiði: Lokað til austurs um óákveðinn tíma, bendum á hjáleið um Þrengsli (39). #færðin
— Vegagerðin | Iceland Roads (@Vegagerdin) September 23, 2021
Þá segir Vegagerðin að Nesjavallaleið hafi verið lokað vegna snjókomu.
Nesjavallaleið: Búið er að loka veginum vegna snjóa. #færðin
— Vegagerðin | Iceland Roads (@Vegagerdin) September 23, 2021
Samkvæmt upplýsingum frá Slysavarnafélaginu Landsbjörg, þá voru björgunarsveitarmenn kallaðir út fyrir hádegi til að aðstoða ökumenn sem höfðu lent í vandræðum í snjó og hálku á Þingvallavegi og Mosfellsheiði. Þar höfðu á annan tug bíla lent í vandræðum og einhverjir þeirra farið út af veginum. Engan sakaði þó og engar skemmdir urðu á ökutækjum. Aðgerðum lauk núna á öðrum tímanum.
Ekki hefur þó reyndist þörf á að kalla út mannskap til að aðstoða bíla á Hellisheiði að sögn talsmanns Landsbjargar.