Guðni Bergsson, formaður KSÍ, segir áhyggjuefni að íslenska karlalandsliðið standi frammi fyrir því að vera án nokkurra lykilleikmanna þegar það mætir Þýskalandi í Duisburg fimmtudaginn 25. mars, í fyrsta leik sínum í undankeppni heimsmeistaramótsins 2022.
„Þetta myndi veikja okkar lið mikið og við erum engan veginn sáttir við það. Við erum að vinna í þessu máli og reyna að leysa það en það er ekki komin nein niðurstaða ennþá,“ sagði Guðni í samtali við Morgunblaðið í gær. Óformlegar viðræður um flutning leikja eru í gangi.