Samkvæmt AS Marca í Tyrklandi hefur Gylfi Þór Sigurðsson samþykkt tveggja ára samning hjá Galatasaray í Tyrklandi.
Gylfi er án félags eftir að samningur hans við Everton rann út en hann er þó enn undir rannsókn lögreglu í Bretlandi. Gylfi var handtekinn fyrir tæpu ári síðan og hefur legið undir grun um kynferðisbrot gegn ólögráða einstaklingi.
Samkvæmt síðustu fréttum má Gylfi ekki ferðast frá Englandi en hann hefur ekki spilað fótbolta í ár. Búist er við tíðindum í máli hans um miðjan mánuðinn.
Gylfi er 33 ára gamall og var í fimm ár hjá Everton en hann kostaði félagið 40 milljónir punda árið 2017.
Í fréttinni segir að Gylfi gæti þénað 276 milljónir í árslaun í Tyrklandi sem er talsvert minna en hann þénaði hjá Everton.
🚨SON DAKİKA:
Galatasaray, Everton’dan ayrılan dünyaca ünlü orta saha Gylfi Sigurdsson (33) ile 2 yıllık prensip anlaşmasına vardı.
Oyuncu yıllık €2M maaş kazanacak. #EFC pic.twitter.com/WCT0Wx0Sbr— As Marca (@asmarcatr) July 3, 2022