42 sjúklingar liggja inni á Landspítala með Covid-19 og hefur fækkað um einn frá því í gær. Sex þeirra eru á gjörgæslu og fjórir þeirra í öndunarvél.
Meðalaldur þeirra sem liggja inni með Covid-19 er 64 ár.
Þetta kemur fram á vef spítalans.
8.076 sjúklingar eru í Covid-göngudeild spítalans, þar af 2.621 barn.
Frá upphafi fjórðu bylgju, 30. júní 2021, hafa verið 327 innlagnir vegna veirunnar á Landspítala.