Franski knattspyrnumaðurinn Samuel Umtiti hefur verið greindur með kórónuveiruna og verður heimsmeistarinn ekki með Barcelona gegn Bayern München í Meistaradeildinni í kvöld.
Var greint frá því í vikunni að ónefndur leikmaður Barcelona væri með veiruna og greindi félagið frá því á heimasíðu sinni að Umtiti væri sá smitaði.
Er Umtiti einkennalaus, við góða heilsu og í einangrun. Var hann ekki í návígi við liðsfélaga sína og hafa tíðindin því ekki áhrif á leik Barcelona í kvöld.
Hefur Umtiti aðeins spilað átján leiki með Barcelona á leiktíðinni og verið orðaður við brottför frá félaginu.