Arsenal hefur boðið ítalska knattspyrnumanninum Jorginho nýjan samning.
Jorginho gekk til liðs við Arsenal í janúar 2023 en hann skrifaði undir eins og hálfs árs samning, með möguleika á öðru ári.
Ætlar félagið hins vegar ekki að virkja þann hluta samningsins heldur bjóða Ítalanum glænýjan samning. Enskir miðlar greina frá.
Jorginho, sem er 32 ára gamall, hefur reynst Arsenal-liðinu vel og eru þjálfarar liðsins sagðir afar ánægðir með hlutverk hans sem leiðtogi meðal ungra samherja.