Innlent

Ingi Björn Guðna­son ráðinn staðar­haldari á Hrafns­eyri

Magnús Jochum Pálsson skrifar
Hrafnseyri við Arnarfjörð var fæðingarstaður Jóns Sigurðssonar.
Hrafnseyri við Arnarfjörð var fæðingarstaður Jóns Sigurðssonar. Vísir/Vilhelm

Ingi Björn Guðnason, bókmenntafræðingur, hefur verið ráðinn staðarhaldari á Hrafnseyri við Arnarfjörð. Hann var ráðinn úr hópi sautján umsækjenda og tók við starfinu í síðasta mánuði.

Á vef Stjórnarráðsins segir að starf staðarhaldara á Hrafnseyri hafi verið auglýst af forsætisráðuneytinu til umsóknar í lok síðasta árs og var Ingi Björn ráðinn úr hópi sautján umsækjenda. Þar segir jafnframt að staðarhaldari hafi búsetu á Vestfjörðum.

Ingi Björn er með meistarapróf í almennri bókmenntafræði frá Háskóla Íslands og hefur starfað í fimmtán ár við Háskólasetur Vestfjarða. Áður starfaði hann við dagskrárgerð í útvarpi og sem upplýsingafulltrúi á Gljúfrasteini. 

Hrafnseyri er fæðingarstaður Jón Sigurðssonar en starfsemi staðarins er helguð arfleifð Jóns Sigurðssonar og sögu og umhverfi Hrafnseyrar.

Íslensk tunga Ísafjarðarbær Stjórnsýsla Vistaskipti Söfn Menning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið