Svartur sviti Rudys Giulianis, lögfræðings Donalds Trumps Bandaríkjaforseta, vakti töluverða athygli á blaðamannafundi í gær þar sem hann fór yfir málshöfðanir forsetans vegna nýafstaðinna forsetakosninga.
Þrátt fyrir að sérfræðingar séu á einu máli um að nánast engar líkur séu á því að málarekstur Donalds Trumps fráfarandi forseta Bandaríkjanna og lögmanna hans muni hafa áhrif á niðurstöðu bandarísku forsetakosninganna virðist málareksturinn enn í gangi. Dómstólar eiga eftir að taka nokkur mál fyrir.
It appears that Rudy Giuliani is sweating through his hair dye. pic.twitter.com/OY3dGL1BtX
— The Recount (@therecount) November 19, 2020
Giuliani fór um víðan völl í gærkvöldi en hann sagði fjölmiðlafólki meðal annars að vakna af værum blundi og sagði ásakanir forsetans um kosningasvindl ekki úr lausu lofti gripnar.
Svartur litur eða sviti úr höfði Giulianis lak niður vanga hans þegar hann ítrekaði þá skoðun sína að svindlað hefði verið á forsetanum.