Innlent

Al­dís verður sveitar­stjóri í Hruna­manna­hreppi

Bjarki Sigurðsson skrifar
Aldís Hafsteinsdóttir verður nýr sveitarstjóri Hrunamannahrepps.
Aldís Hafsteinsdóttir verður nýr sveitarstjóri Hrunamannahrepps. Magnús Hlynur Hreiðarsson

Aldís Hafsteinsdóttir mun taka við sem sveitarstjóri Hrunamannahrepps. Þetta kemur fram í tilkynningu frá D-lista Sjálfstæðismanna og óháðra.

D-listinn fékk þrjá fulltrúa kjörna í sveitarstjórnarkosningunum sem fram fóru seinustu helgi. Það var einungis L-listinn sem einnig var í framboði og fær tvo fulltrúa.

Aldís hefur gengt stöðu bæjarstjóra Hveragerðis síðastliðin 16 ár og er sitjandi formaður Sambands íslenskra sveitarfélaga. Í tilkynningunni segir að það sé mikill kostur að fá Aldísi til að gegna stöðunni.

„Það eru áskoranir framundan hjá sveitarfélaginu, uppbygging og sjáanleg ör íbúaþróun en á sama tíma verðbólga og háir vextir. Það var því mat okkar að fyrsti kostur væri að ræða við Aldísi og auglýsa ekki stöðu sveitastjóra ef þessi kostur gæfist.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×