Þróttur R. 2 – 1 Völsungur
1-0 Kostiantyn Iaroshenko(‘6 )
2-0 Sam Hewson(’42 , víti)
2-1 Baldur Sigurðsson(’53 )
Þróttur er á gríðarlegri siglingu í 2. deild karla en liðið spilaði við Völsung í kvöld í eina leik dagsins.
Þróttur byrjaði mótið ekkert svakalega vel og tapaði fyrsta leik sínum 4-0 gegn Njarðvík og hafði áður tapað 3-0 gegn HK í Mjólkurbikarnum.
Síðan þá hefur liðið verið á frábæru róli og ekki tapað leik og vann í dag sinn sjötta sigur í röð.
Þróttur vann leikinn 2-1 á heimavelli og er með 25 stig í öðru sæti, þremur stigum á eftir Njarðvík sem er á toppnum.
Völsungur var að tapa sínum þriðja leik í sumar og er með 17 stig í fjórða sæti.