Í tilefni af því að alþjóðasiglingadagurinn 29. september er helgaður öryggi og grænum lausnum í siglingum fer fram ráðstefna undir yfirskriftinni „Stolt siglir fleyið mitt“ á Grand hótel í Reykjavík, að því er fram kemur í tilkynningu á vef stjórnarráðsins.

Þar segir að markmið ráðstefnunnar sé að „kynna nýsköpun og nýjar lausnir í sjósókn og siglingum sem draga úr umhverfisáhrifum og/eða auka öryggi sjófarenda, þ.m.t. orkuskipti, bætta orkunýtingu og siglingaöryggi.“

Fjölmörg fyrirtæki halda fyrirlestra um lausnir sínar og framtíðarsýn á ráðstefnunni sem er öllum opin, en krefst forskráningar. Ráðstefnan er haldin af innviðaráðuneyti og Siglingaráði í samstarfi við Samgöngustofu, Grænu orkuna og umhverfis- og orku- og loftslagsráðuneytið.

Tengdar fréttir

Nýsköpun og tækni í sjávarútvegi

Frumkvöðlar bláa hagkerfisins kynna nýsköpun

• Hugmyndafræði Sjávarklasans víða eftirsótt
• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó

» Fleiri tengdar fréttir

• Blogga um frétt