Tveir sautján ára drengir hafa verið ákærðir fyrir meinta árás þar sem fjórtán kengúrur drápust á austurströnd Ástralíu.
Drengirnir voru handteknir eftir að heimafólk fann hræ kengúranna, þar af voru tvö af ungviði, nærri Batemans-flóa, um fjögurra klukkustunda akstursfjarlægð frá Sydney, á laugardagsmorgni.
Samkvæmt lögreglu fundust hræin á víð og dreif á tveimur svæðum nærri strandbæ.
Íbúi við Batematns-flóa fann einn eftirlifandi kengúruunga og hefur nefnt hann Hope, eða Von.
Drengirnir munu sæta málsmeðferð við barnadómstól 22. nóvember. Þeir eru taldir hafa drepið dýrin með handafli.