Fundu skotsár á höfðum ferðamannanna

Búið er að greina skotsár á höfðum þeirra þriggja sem fundust látnir í vatni í Baja California í Mexíkó í gær. Talið er að líkin séu líklegast af tveimur áströlskum bræðrum, Callum og Jake Robinson, og Bandaríkjamanni, Jack Carter, sem hurfu þann 27. apríl þegar þeir voru í fríi á svæðinu. 

Talið er að þeir hafi verið myrtir vegna tilraunar til að stela pallbíl þeirra sem fannst skammt frá og búið var að kveikja í.

Frétt af mbl.is

Líkin þrjú eru af ferðamönnunum

Fjölskyldurnar í Mexíkó

Fjölskyldur bræðranna og Bandaríkjamannsins eru komnar til Mexíkó til þess bera kennsl á líkin að sögn ríkissaksóknarans Mariu Elenu Andrade.

Yfirvöld í Mexíkó hafa þrjá grunaða í haldi, en rannsókn málsins er unnin í samvinnu við bandarísku alríkislögregluna FBI og áströlsk yfirvöld. 

• Blogga um frétt