Stórveldin Bayern München og Real Madrid skildu jafnir, 2:2, í fyrri leik liðanna í undanúrslitum Meistaradeildar Evrópu í fótbolta í München í kvöld.
Bayern byrjaði af krafti og var það algjörlega gegn gangi leiksins er Vinícius Júnior skoraði fyrsta mark leiksins. Slapp hann í gegn á 24. mínútu eftir sendingu frá Toni Kroos og skoraði af öryggi, eina mark fyrri hálfleiks.
Leroy Sané jafnaði fyrir heimamenn á 53. mínútu með föstu skoti úr teignum eftir góðan sprett og aðeins fjórum mínútum síðar kom Harry Kane Bæjurum í 2:1 með marki úr víti.
Real átti hins vegar lokaorðið og Vinícius skoraði sitt annað mark og annað mark Bayern úr víti á 84. mínútu og þar við sat.
Seinni leikur liðanna fer fram næstkomandi miðvikudag. Sigurvegarinn í einvíginu mætir annað hvort París SG eða Dortmund í úrslitum.
Bayern München | 2:2 | Real Madrid | Opna lýsingu Loka | |
---|---|---|---|---|
90. mín. Lucas Vázquez (Real Madrid) fær gult spjald Togar Davies niður. | ||||
Augnablik — sæki gögn... |