Steingrímur J. Sigfússon, forseti Alþingis, var allur hinn rólegasti eftir að jarðskjálfti reið yfir í dag. Hann sat sem fastast í forsetastól þegar skjálftinn skók Alþingishúsið með tilheyrandi drunum og látum og horfði á eftir Helga Hrafni Gunnarssyni, þingmanni Pírata, taka til fótanna úr ræðustól þingsins.

Frétt af mbl.is

Hljóp úr pontu þegar skjálftinn reið yfir

„Þetta var hressilegur skjálfti,“ sagði Steingrímur við mbl.is.

„Við gerðum stutt hlé á þingstörfum til að átta okkur aðeins á stöðu mála. Svo tæmdist auðvitað þingstóllinn.“

Frétt af mbl.is

„Hætti að lítast á blikuna“

Tæknimanni stóð ekki á sama

Steingrímur segir að alþingishúsið sé sterklega byggt og því hafi ekki verið neitt að óttast. Hins vegar hafi nokkrar myndir á veggjum hússins hrist og ein þeirra dottið í gólfið.

„Hér varð blessunarlega ekkert tjón, en tæknimanninum hérna efst í þinghúsinu stóð ekki á sama. Þar lék hreinlega allt á reiðiskjálfi og þurftum við því að ganga úr skugga um að allur búnaður virkaði enn sem skyldi.“

Steingrímur segir að þingstörfum verði áfram haldið í dag.

„Já, við munum halda bara ótrauð áfram. Í dag er dagskráin þétt og við verðum hérna frameftir degi.“

Tengdar fréttir

Stór skjálfti við höfuðborgarsvæðið

Þrír fengið bætur vegna skjálftans

• Skoðar skjálftasprungur með aðstoð gervitungla
• Verulega dregið úr skjálftavirkni
• Erfitt að meta hvort hrinunni sé að ljúka
• Skjálfti upp á 2,6 á Reykjanesi

» Fleiri tengdar fréttir

• Blogga um frétt