Tveir særðust í árás í Hollandi

Tveir særðust í stunguárás í stórmarkaði í borginni Haag í Hollandi í dag. Kveikt var í stórmarkaðnum. Hollenska lögreglan segir að engar vísbendingar hafi komið fram sem benda til þess að um hryðjuverkaárás sé að ræða. Hluti borgarinnar var girtur af vegna atviksins. 

Eldurinn hefur nú verið slökktur og hinir særðu voru færðir á sjúkrahús með sjúkrabíl. 

Talskona lögreglunnar sagði í samtali við AFP að ástæða árásarinnar væri ekki skýr. 

Þyrla lögreglunnar leitar nú að gerandanum. Honum er lýst sem hávöxnum manni á fertugsaldri. 

• Blogga um frétt