Norska úrvalsdeildarliðið Elverum átti ekki í teljandi vandræðum með Runar í fjórðungsúrslitum bikarkeppninnar þar í landi í dag.
Elverum skoraði 50 mörk og þar af skoraði Orri Freyr Þorkelsson fimm. Elverum vann að lokum ansi þægilegan 20 marka sigur, 50:30, og flýgur þar með í undanúrslitin.
Orri Freyr var á meðal markahæstu manna með mörkin sín fimm en fjórir liðsfélaga hans skoruðu hins vegar sjö mörk hver.
Runar er í 2. sæti í efstu deild í Noregi og hefur unnið fyrstu fimm leikina af sex í deildinni. Elverum hefur unnið alla sex hingað til.