Manchester United og Chelsea gerðu markalaust jafntefli þegar liðin mættust í ensku úrvalsdeildinni í knattspyrnu um helgina.
Bæði lið fengu færi til þess að skora en inn vildi boltinn ekki og markalaust jafntefli því niðurstaðan.
Tómas Þór Þórðarson, ritstjóri Enska boltans á Síminn Sport, fór yfir leikinn ásamt þeim Bjarna Þór Viðarssyni og Eiði Smára Guðjohnsen í Vellinum á Síminn Sport í kvöld.
„Við höfum séð svona hluti áður,“ sagði Eiður um umdeilt atvik í leiknum þegar Chelsea vildi fá vítaspyrnu.
„Þegar maður sér þetta frá þessu sjónarhorni þá er alveg hægt að segja að þetta sé ekki leyfilegt í fótbolta.
Það er alveg hægt að sleppa þessu en það er líka alveg hægt að dæma á þetta,“ bætti Eiður Smári við.
Umræðuna má sjá í heild sinni í spilaranum hér fyrir ofan en leikur Manchester United og Chelsea var sýndur beint á Síminn Sport.