Tölvuleikurinn Elden Ring verður gefinn út þann 24. febrúar og bíða tölvuleikjaspilarar eftir honum með mikilli eftirvæntingu en fyrst var tilkynnt um gerð leiksins árið 2019.
Elden Ring er fantasíu-hlutverkaleikur sem gerist í opnum heim þar sem leikmenn upplifa dramatískan söguþráð eftir rithöfundinn George R.R Martin og leikjastjórann Hidetaka Miyazaki.
Tölfræði SteamDB sýnir fram á að Elden Ring hefur verið hvað mest settur á óskalistann hjá notendum Steam en alls hafa 281,183 einstaklingar bætt honum við á listann.
Á eftir honum á kemur tölvuleikurinn Dying Light 2 Stay Human og hafa alls 257,347 einstaklingar bætt honum við á óskalistann sinn en hann kemur út 4. febrúar.
Hægt er að kaupa Elden Ring á Steam í forsölu fyrir 59,99 bandaríkjadali eða 7.800 íslenskar krónur.