Seinkanir í dag vegna óveðursins í gær
Setja bókamerki
Einhverjar raskanir verða á flugáætlun Play í dag vegna óveðursins í gær en mikið hvassviðri gerði það að verkum að seinka þurfti verulega þremur flugferðum félagsins þá. Hafði það m.a. áhrif á tengifarþega í Bandaríkjunum. Flugfélagið vinnur nú að því að koma þeim á leiðarenda.
Nadine Guðrún Yaghi, upplýsingafulltrúi félagsins, segir að um þriggja til fjögurra tíma seinkun verði á vélunum í dag en að gert sé ráð fyrir að allt verði á áætlun frá og með morgundeginum.
Biðu í einn og hálfan tíma eftir að komast í land
Tvær af fimm vélum Play komust í loftið í gærmorgun áður en óveðrið skall á. Að sögn Nadine var um 12 klukkutíma seinkun á hinum þremur vélunum.
Í einni þeirra voru farþegar komnir um borð um morguninn og sátu þar í rúma klukkustund áður en þeim var vísað aftur inn í Leifsstöð. Í millitíðinni fóru þeir sem áttu bókað flug ýmist heim eða biðu á flugvellinum eftir brottför.
Þá lentu tvær flugvélar Play klukkan 14.30 í gær á Keflavíkurflugvelli. Að sögn Nadine voru allir farþegar komnir í Leifsstöð klukkan 16.
„Stjórnvöld láti af sjúklegri undirgefni sinni“
Skimað fyrir kíghósta meðal leikara
Ræða um rekstrarleyfi til 16 ára
Frelsi sem fylgdi því að loka Önnu Jónu
Dreymdi sjö seli: Katrín verður forseti
Hvað verður um plastið?
Hafa þurft að stugga við fólki