Pavel gæti tekið fram skóna að nýju

Pavel Ermolinskij segir sínum mönnum í Tindastóli til í fyrsta …
Pavel Ermolinskij segir sínum mönnum í Tindastóli til í fyrsta leiknum sem þjálfari liðsins. mbl.is/Hákon Pálsson

Pavel Ermolinskij, nýráðinn þjálfari karlaliðs Tindastóls í körfuknattleik, er formlega orðinn leikmaður félagsins.

Karfan.is greindi fyrst frá en Pavel gekk frá félagskiptum úr Val yfir í Tindastól á dögunum og frá og með deginum í dag má hann spila með liðinu í úrvalsdeildinni.

Pavel, sem er 36 ára gamall, varð Íslandsmeistari með Val á síðustu leikíð en hann tilkynnti eftir síðasta keppnistímabil að skórnir væru komnir á hilluna.

Alls varð hann átta sinnum Íslandsmeistari á ferlinum , sjö sinnum með KR og einu sinni með Val.

mbl.is
Fleira áhugavert
Fleira áhugavert