Að minnsta kosti sextán eru látnir og 32 til viðbótar særðir eftir að sprengingar urðu við mosku sjíamúslima í miðri afgönsku borginni Kandahar í dag.

Orsök sprenginganna er enn á huldu, en þær eiga sér stað réttri viku eftir að sjálfsvígssprengjuárás var framin gegn sjíamúslimum í borginni Kunduz.

Ríki íslams lýsti því ódæði á hendur sér.

Sprengingarnar urðu í og við mosku í borginni Kandahar.

Föstudagsbænirnar

Fréttaveitan AFP hefur eftir vitnum að þrjár sprengingar hafi orðið, ein við aðaldyr moskunnar, önnur suður af moskunni og sú þriðja á stað þar sem tilbiðjendur þvo sér.

Sprengingarnar munu einnig hafa orðið á meðan föstudagsbænirnar stóðu yfir, en þær eru sá viðburður vikunnar sem flestir sækja.

Tengdar fréttir

Talíbanar í Afganistan

„Hún á sér ekkert líf“

• Þjóðþekktur hermaður tapaði meiðyrðamáli
• Skipuleggjandi Kabúl sprengingarinnar sagður látinn
• Trump kennt um valdatöku talíbana í Afganistan
• Tárvotur hermaður lýsir hörmungum við brotthvarfið

» Fleiri tengdar fréttir

• Blogga um frétt