Samkvæmt franska blaðinu L’Equipe hefur Manchester United hafið viðræður við Paris Saint-Germain um hugsanleg félagaskipti Neymar í sumar.
Hinn 31 árs gamli Neymar er opinn fyrir því að yfirgefa Paris Saint-Germain í sumar. Hann er sagður þreyttur á því að Kylian Mbappe sé aðalmaðurinn í borg ástarinnar.
Sex ár eru fá því að PSG gerði Neymar að dýrasta leikmanni heims með því að kaupa hann á um 200 milljónir punda frá Barcelona. Þá á kappinn fjögur ár eftir af samningi sínum.
PSG er opið fyrir því að selja og miðað við nýjustu fréttir hefur United áhuga.
Rauðu djöflarnir eru þó ekki þeir einu. Talið er að Chelsea sé einnig á meðal félaga sem fylgjast með gangi mála hjá hinum magnaða Neymar.