Frederik Schram hefur samið við knattspyrnudeild Vals til tveggja ára. Hann kemur frá Lyngby í Danmörku þar sem Freyr Alexandersson er þjálfari og Sævar Atli Magnússon er leikmaður.
Frederik Schram er 27 ára markvörður sem hefur leikið í dönsku úrvalsdeildinni og fyrstu deildinni með Vestsjælland, Roskilde, Sönderjyske og Lyngby.
Frederik var einnig í landsliðshóp Íslands sem fór á heimsmeistaramótið í Rússlandi árið 2018. Hann á að baki fimm A-landsleiki.