Óðinn Þór Ríkharðsson, hornamaður Kadetten Schaffhausen og íslenska landsliðsins, skoraði 7 mörk úr 9 skotum í sigri liðsins gegn Pfadi Winterthur í undanúrslitum svissnesku úrvalsdeildarinnar í handbolta.
Markahrókurinn Óðinn var í aðalhlutverki þegar Kadetten komst í 1:0 forystu í einvíginu á heimavelli. Liðin mætast á nýjan leik á þriðjudaginn en það lið sem fyrr vinnur þrjá leiki fer í úrslitarimmuna.