„Bæj­ar­stjórn Reykja­nes­bæjar hefur ítrekað komið skoð­unum sínum á fram­færi við Arion banka varð­andi rekstur kís­il­vers­ins,“ segir Frið­jón Ein­ars­son, full­trúi Sam­fylk­ing­ar­innar í bæj­ar­stjórn­inni og for­maður bæj­ar­ráðs. Hann segir enn mikla and­stöðu við hug­myndir bank­ans um að end­ur­ræsa starf­sem­ina bæði meðal bæj­ar­full­trúa og íbúa. „Við höfum óskað form­lega eftir sam­starfi við bank­ann um að rífa verk­smiðj­una og hefja sam­starf um atvinnu­þróun í Helgu­vík. Því miður hefur það ekki gengið eft­ir.“

Mati á umhverf­is­á­hrifum á þeim áformum Stakks­bergs, sem er í eigu Arion banka, að end­ur­bæta, end­ur­ræsa og stækka kís­il­verk­smiðj­una í Helgu­vík lauk með áliti Skipu­lags­stofn­unar sem gefið var út á gaml­árs­dag. Frið­jón segir hljóðið í bæj­ar­búum „mjög dap­urt“. Afstaða til verk­smiðj­unnar hafi verið könnuð reglu­lega und­an­farin ár og hefur alltaf verið á sama veg: Íbú­arnir eru alfarið á móti end­ur­ræs­ingu kís­il­vers­ins.

Fyr­ir­hug­aðar end­ur­bætur Arion banka á kís­il­verk­smiðj­unni eru að mati Skipu­lags­stofn­unar lík­legar til að fækka til­vikum sem ljós­boga­ofn er stöðv­aður og stytta tíma sem hann keyrir á skertu afli. Þá segir hún áform um að losa útblástur um skor­steina en ekki um rjáfur síu­húss, sem bætt var við vegna aðfinnslu Umhverf­is­stofn­un­ar, lík­leg til að leiða til mun betri dreif­ingar útblást­ursefna, stöðugri rekst­urs verk­smiðj­unnar og stuðla að bættum loft­gæðum frá því sem áður var. Engu að síður er það álit stofn­un­ar­innar að áhrif við rekstur 1. áfanga verði nokkuð nei­kvæð og áhrif fullrar fram­leiðslu fjög­urra ofna tals­vert nei­kvæð.

Bæj­ar­stjórn Reykja­nes­bæjar hefur ekki enn fengið ósk Arion banka um breyt­ingu á deiliskipu­lagi né aðrar óskir bank­ans um form­lega afstöðu, segir Frið­jón. Slíkra umsókna er nú beð­ið. „Við erum í flók­inni stöðu þar sem vald sveit­ar­fé­lags­ins liggur fyrst og fremst í skipu­lagi lóða,“ segir hann spurður um hvernig bæj­ar­yf­ir­völd geti stigið inn í málið á þessu stigi. Hann bendir á að engir samn­ingar séu í gildi í dag, hvorki við höfn­ina né sveit­ar­fé­lag­ið.

„Við munum reyna allt sem við getum til að stöðva end­ur­ræs­ingu og munum áfram biðla til bank­ans að hætta við hana,“ segir Frið­jón. „Að mínu mati á bank­inn engan rétt í þessu máli og fárán­legt í raun að bank­inn hlusti ekki á íbúa svæð­is­ins.“

Hann minnir á að það hafi verið Arion banki sem fjár­magn­aði rekstur verk­smiðju United Sil­icon á sínum tíma „verk­efni sem mistókst hrapa­lega og ber sem slíkur mikla ábyrgð hvernig fór. Ég trúi ekki að fjár­festar komi að verk­efn­inu vit­andi að sveit­ar­fé­lagið og íbúar flestir eru alfarið á móti rekstri þess í tún­fæt­in­um.“

Bæj­ar­yf­ir­völd Í Reykja­nesbæ hafa að sögn Frið­jóns heyrt af áhuga erlendra aðila sem vilja kaupa verk­smiðj­una og flytja úr landi. „Sveit­ar­fé­lagið hefur lýst yfir áhuga á að fylgja því máli eftir en bank­inn dregur fæt­urna.“

Kjarn­inn greindi frá því í morgun að PCC SE, meiri­hluta­eig­andi PCC BakkiSil­icon hf., kís­il­vers­ins á Húsa­vík, hefur áhuga á að kaupa kís­il­málm­verk­smiðj­una í Helgu­vík. Frið­jón sagð­ist í sam­tali við Kjarn­ann í gær hafa heyrt af þeim áformum og hafa tjáð for­svars­mönnum PCC „að áhugi sveit­ar­fé­lags­ins er eng­inn né heldur íbúa. Við munum berj­ast til síð­asta blóð­dropa“.

Hann segir það hlut­verk yfir­valda að gæta að heilsu íbúa og það hlut­verk taki bæj­ar­stjórnin alvar­lega. „Bæj­ar­yf­ir­völd munu skoða sína stöðu og beita öllum leiðum til að stöðva end­ur­ræs­ing­u.“