Sigurður Arnar Garðarsson úr GKG og Sara Kristinsdóttir úr GM stóðu uppi sem sigurvegarar á Landsmótinu í golfhermum sem fór fram í Ryder/Solheim hermasalnum í íþróttamiðstöð GKG um helgina.
Úrslitin fóru fram í gær þar sem Sigurður Arnar fagnaði sigri í annað sinn og Sara í fyrsta sinn.
Notkun golfherma hefur færst mikið í aukana hér á landi undanfarin ár og séð til þess að golf er orðið að heilsárs íþrótt á Íslandi.