Cash fékk pólskan ríkisborgararétt í október 2021 en hann fæddist á Englandi og talar ekki pólsku. Cash er af pólskum ættum í móðurætt og afi hans fæddist í bæ sem var þá í Póllandi en tilheyrir í dag Úkraínu.

Cash, sem er á mála hjá Aston Villa á Englandi, lék í öllum leikjum Póllands á mótinu. Pólverjar féllu úr leik í 16-liða úrslitunum gegn Frakklandi í gær.

Pólland spilaði á móti stórstjörnum á mótinu en Cash fékk flottar treyjur eftir leikina sem hann spilaði. Hann fer ekki heim með bikarinn en hann fær þess í stað svalar treyjur.

Hér fyrir neðan má sjá myndir af honum með tvær af þeim treyjum sem hann fékk; tvær af þeim flottari.