Gustað hefur um spænska stórveldið Barcelona bæði innan og utan vallar undanfarið en í morgun bárust loks jákvæðar fréttir af liðinu þar sem þeir Sergio Agüero og Ousmane Dembélé tóku báðir þátt í æfingu liðsins í morgun.
Hvorugur hefur spilað leik á tímabilinu til þessa vegna meiðsla.
Agüero meiddist á kálfa á æfingu skömmu áður en tímabilið hófst, en hann fór á frjálsri sölu frá Manchester City fyrr um sumarið og hefur því ekki enn spilað leik fyrir Börsunga.
Dembélé meiddist á hné í leik með Frakklandi gegn Ungverjalandi á Evrópumótinu í sumar og gekkst af þeim sökum undir aðgerð.
Nú styttist í endurkomu beggja og ætti því sóknarleikur liðsins, sem hefur ekki verið upp á marga fiska í undanförnum leikjum, að styrkjast til muna.
👋Welcome back @Dembouz & @aguerosergiokun!
— FC Barcelona (@FCBarcelona) October 11, 2021
Both started training for part of the session with the rest of the squad today 🤩 pic.twitter.com/JHbiwmzSkJ